100 насалдаг хувь тавилан хүссэн бүхэнд тохиогоод байдаггүй. Ийм өндөр наслахдаа ханьтайгаа хамт байна гэдэг хэлэх үг......
100 насалдаг хувь тавилан хүссэн бүхэнд тохиогоод байдаггүй. Ийм өндөр наслахдаа ханьтайгаа хамт байна гэдэг хэлэх үг олдохгүй сайхан тавилан. Тэгвэл тун удахгүй 100 нас зооглох Антонио гэдэг итали өвөө тийм азтай нэгэн аж. Гэтэл тэрбээр 96 настай гэргий Розагаасаа салахаар шийдэн, шүүхэд өргөдөл гаргажээ.
77 жил ханилж, амьдралын амттай, гашуун үеүдийг хамтдаа туулан, таван хүүхэд төрүүлж өгсөн эхнэрээсээ салах болсон шалтгаанаа Антонио өвөө “Роза намайг 1940 онд хуурч, өөр эртэй учирдаг байсныг нь саяхан л мэдлээ” хэмээн тайлбарлажээ. Гэхдээ Роза эмээ түүнээс салахгүй гэж гүрийж байгаа гэнэ.
Хэрэв өвөөгийн хүсэлтийг шүүх хүлээн авч, гэрлэлтийг нь цуцлах шийдвэр гаргавал 12 ач, зээ, нэг зээнцэртэй Антонио, Роза нар хамгийн өндөр насандаа гэр бүлээ цуцлуулсан хүмүүс болох юм байна. Тэднээс өмнө Британийн Берти, Жесси Вуд нар “амжилт”-ын эзэд байжээ. Тэд 98 насандаа гэр бүлээ цуцлуулсан аж.
0 сэтгэгдэл:
Post a Comment